The news is by your side.

Advertisement

صوبے میں سیاحت کے فروغ کیلئے اقدامات پر عمل پیرا ہیں: عاطف خان

مردان: خیبرپختونخوا کے سینئروزیر محمد عاطف خان کا کہنا ہے کہ صوبے میں سیاحت کے فروغ کے لیے اقدامات پر عمل پیرا ہیں۔

تفصیلات کے مطابق میڈیا سے گفتگو کرتے ہوئے عاطف خان کا کہنا تھا کہ سعودی ولی عہد محمد بن سلمان کا کامیاب دورہ وزیراعظم عمران خان کے وژن کا نتیجہ ہے۔

انہوں نے کہا کہ سیاحت کو ترقی دینے سے روزگار اور آمدن کے مواقع پیدا ہوں گے، وزارت سیاحت بطور چیلنج قبول کیا ہے۔

صوبائی وزیر کا کہنا تھا کہ عمران خان کے وژن کے مطابق ملک ترقی کررہا ہے، ملکی معیشت کو مضبوط کریں گے۔

ان کا مزید کہنا تھا کہ کے پی کے میں سیاحت کے فروغ سے مثبت نتائج نکلیں گے۔

کے پی میں سیاحت کے فروغ سے غربت میں کمی ہوئی: وزیراعظم

یاد رہے کہ گذشتہ دنوں وزیر اعظم عمران خان کا کہنا تھا کہ گزشتہ 3 سالوں میں پختونخواہ کے صوبے میں غربت میں کمی کی وجہ سیاحت کا فروغ ہے، سیاحت کو مزید فروغ دینے کے لیے اقدامات کر رہے ہیں۔

انہوں نے یہ بھی کہا تھا کہ سالڈ ویسٹ مینجمنٹ اور ویسٹ ٹو انرجی منصوبوں پر توجہ دینے کی اشد ضرورت ہے۔ صوبوں میں ترقیاتی کاموں میں تفریق ختم کرنا ضروری ہے۔

Comments

comments

یہ بھی پڑھیں