تازہ ترین

حسن نواز اور حسین نواز تین بڑے مقدمات میں بری

اسلام آباد : احتساب عدالت نے سابق وزیرِاعظم میاں...

سوشل میڈیا پر مذہبی و لسانی منافرت پھیلانے والے 462 اکاؤنٹس بند

اسلام آباد : سوشل میڈیا پر مذہبی اور لسانی...

قوم دہشتگردی کے خاتمے تک پاک فوج کے شانہ بشانہ کھڑی ہے، وزیراعظم

اسلام آباد: وزیراعظم شہباز شریف کا کہنا ہے کہ...

بال ٹیمپرنگ میں سزا یافتہ وارنر اور اسمتھ کی ایک سالہ پابندی ختم

سڈنی: بال ٹیمپرنگ میں سزا یافتہ آسٹریلوی کھلاڑی اسٹیو اسمتھ اور ڈیوڈ وارنر پر عائد ایک سالہ پابندی آج ختم ہوگئی۔

تفصیلات کے مطابق سابق آسٹریلوی کپتان اسٹیو اسمتھ اور اوپنر ڈیوڈ وارنر کے لیے انٹرنیشنل کرکٹ کے دروازے کھل گئے ہیں، دونوں کھلاڑیوں پر بال ٹیمپرنگ کرنے پر لگی ایک سال کی پابندی ختم ہوگئی۔

کرکٹ آسٹریلیا نے اسمتھ اور وارنر پر ایک سال اور بین کرافٹ پر نو ماہ کی پابندی عائد کی تھی، بین کرافٹ پہلے ہی 9 ماہ کی پابندی کی سزا مکمل کرچکے ہیں۔

ایک سال کی پابندی کی سزا ختم ہونے کے بعد دونوں کھلاڑی آسٹریلوی ٹیم کو ورلڈ کپ کے لیے دستیاب ہوں گے لیکن وہ ٹیم کی قیادت کے اہل نہیں ہوں گے۔

مزید پڑھیں: بال ٹیمپرنگ،اسٹیون اسمتھ اور ڈیوڈ وارنر پرایک سال کی پابندی

واضح رہے کہ گزشتہ سال 24 مارچ کو کیپ ٹاؤن میں جنوبی افریقہ اور آسٹریلیا کے درمیان کھیلے جانے والے تیسرے ٹیسٹ میچ کے دوران آسٹریلوی ٹیم کے کپتان اسٹیو اسمتھ، ڈیوڈ وارنر اور بلے باز کیمرون بین کرافٹ بال ٹیمپرنگ کرتے ہوئے پکڑے گئے تھے۔

پابندی کے بعد اسمتھ اور وارنر نے غلطی تسلیم کرتے ہوئے عوام سے معافی بھی مانگی تھی۔

یاد رہے کہ آئی سی سی کی جانب سے بال ٹمپرنگ ثابت ہونے پر آسٹریلوی کپتان اسٹیو اسمتھ پر میچ فیس کا سو فیصد جرمانہ اور ایک ٹیسٹ میچ کی پابندی عائد کی گئی تھی جبکہ کیمرون بینکرافٹ پر میچ فیس کا 75 فیصد جرمانہ اور تین پوائنٹس میں بھی کمی کردی گئی تھی۔

Comments

- Advertisement -