The news is by your side.

Advertisement

اسٹاک ایکسچینج حملہ، سلامتی کونسل کے مذمتی بیان سے بھارتی میڈیا کا جھوٹ بےنقاب ہوگیا

نیویارک : اقوام متحدہ کی سلامتی کونسل نے پاکستان اسٹاک ایکسچینج پر دہشت گردانہ حملے کی مذمت کرتے ہوئے دہشتگردوں، ان کے سہولت کاروں کو قانون کے شکنجے میں لانے پر زور دیا۔

تفصیلات کے مطابق دو روز قبل پاکستان کے معاشی حب کراچی میں واقع پاکستان اسٹاک ایکسچینج پر بھارت نواز دہشت گردوں نے حملہ کرنے کی ناکام کوشش کی تھی، جس کی اقوام متحدہ نے شدید الفاظ میں مذمت کی ہے۔

یونائیٹڈ نیشن کی سلامتی کونسل نے شہدا کے لواحقین اور حکومت پاکستان سے اظہار یکجہتی کیا، واضح رہے کہ اقوام متحدہ کی سلامتی کونسل میں مذمتی بیان کا مطالبہ چین کی جانب سے کیا گیا تھا۔

اس موقع پر سلامتی کونسل کے تمام اراکین کی متفقہ طور پر مذمتی بیان کی حمایت بھی کی اور تمام اراکین نے پاکستان سے اظہار یکجہتی کیا۔

اقوام متحدہ کی سلامتی کونسل کے بیان کو روکنے کےلیے بھارت کی جانب سے کی گئی تمام تر کوششیں ناکام گئیں، سلامتی کونسل کے مذمتی بیان سے بھارتی میڈیا کا جھوٹ بےنقاب ہوگیا۔

بھارتی میڈیا اس معاملے پر سلامتی کونسل کی خاموشی کا پروپیگنڈا کررہا تھا، مذمتی بیان دنیا کی جانب سے ملک کی انسداد دہشتگردی حکمت عملی کی تائید ہے۔

خیال رہے کہ پاکستان واضح طور پر کہہ چکا ہے دہشتگردی کے واقعے میں بھارتی خفیہ ادارے ملوث ہیں، بھارتی منفی رویے کے باوجود صدر، سیکریٹری جنرل دیگر ممالک پہلے ہی مذمتی بیان جاری کرچکے ہیں۔

خیال رہے یاد رہے کراچی کے اہم تجارتی مرکز پاکستان اسٹاک ایکسچینج پردہشت گردوں کا حملہ ناکام بنادیا گیا تھا، سیکیورٹی گارڈزاور پولیس کی بروقت جوابی کارروائی میں چارمسلح دہشتگرد مارے گئے جبکہ فائرنگ اور دستی بم حملے میں ایک سب انسپکٹر،چارسیکیورٹی گارڈز اور ایک شہری شہید ہواتھا۔

fb-share-icon0
Tweet 20

Comments

comments

یہ بھی پڑھیں