اسٹاک مارکیٹ میں مسلسل دوسرے ہفتے مندی -
The news is by your side.

Advertisement

اسٹاک مارکیٹ میں مسلسل دوسرے ہفتے مندی

کراچی: پاکستان اسٹاک مارکیٹ میں مسلسل دوسرے ہفتے مندی دیکھی گئی، گزشتہ ہفتے بھی غیر ملکی سرمایہ کاروں نے مارکیٹ سے ایک کروڑ ڈالر کا سرمایہ نکال لیا تھا۔

تفصیلات کے مطابق اسٹاک مارکیٹ میں صبح سے ہی مندی کا رجحان دیکھا گیا۔ دن کے آغاز پر 100 انڈیکس میں 520 پوائنٹس کی کمی ہوئی جس کے بعد انڈیکس 41 ہزار 221 پوائنٹس پر ٹریڈ کرنے لگا۔

دن کے اختتام تک 100 انڈیکس میں 160 پوائنٹس کی کمی واقع ہوئی جس کے بعد 100 انڈیکس 41 ہزار 582 پوائنٹس پر بند ہوا۔

اسٹاک مارکیٹ گزشتہ ہفتے بھی مسلسل مندی کا شکار رہی۔ گزشتہ ہفتے اسٹاک مارکیٹ میں 846 پوائنٹس کی کمی ریکارڈ کی گئی۔

اسٹاک ماہرین کے مطابق اسٹاک مارکیٹ سرمایہ کار حکومت کی جانب سے اہم معاملات پر فیصلوں کے منتظر ہیں جن میں گردشی قرضوں کا معاملہ سر فہرست ہے۔

گزشتہ ہفتے غیر ملکی سرمایہ کاروں نے مارکیٹ سے ایک کروڑ ڈالر کا سرمایہ نکالا تھا۔

خیال رہے کہ پاکستان میں انتخابات کے کامیاب انعقاد اور پاکستان تحریک انصاف کی حکومت بننے کے بعد اسٹاک مارکیٹ میں تیزی دیکھی جارہی تھی، جبکہ ڈالر کی قیمت میں بھی کمی واقع ہوئی تھی۔

Comments

comments

یہ بھی پڑھیں