موسم سرما میں بال جھڑنے کی شکایت بہت عام ہوجاتی ہے تاہم اس مسئلے کو گھر میں ہی نہایت آسانی سے حل کیا جاسکتا ہے۔
تفصیلات کے مطابق اے آر وائی ڈیجیٹل کے پروگرام گڈ مارننگ پاکستان میں ڈاکٹر بلقیس نے بالوں کے گرنے کی روک تھام کا نہایت آسان نسخہ بتایا۔
اس کے لیے سب سے پہلے گھر میں موجود کوکنگ آئل لیں، سورج مکھی کے بیجوں والا تیل ہو تو بہتر ہے ورنہ عام تیل بھی وہی فوائد دے گا۔
ایک کپ تیل کو ہلکا سا گرم کریں اور اس میں آدھا چائے کا چمچ کالی مرچ پاؤڈر، اور سورج مکھی کے بیج ایک چمچ بھر کر ڈال دیں۔
اسے تھوڑی دیر تک یونہی رہنے دیں تاکہ سورج مکھی کے بیجوں کا تیل بھی اس میں جذب ہوجائے۔
سورج مکھی کے بیجوں کا وٹامن ای بالوں کے لیے جادو افزا ثابت ہوتا ہے اور صرف ایک بار استعمال سے ہی واضح فرق محسوس ہونے لگتا ہے۔
ڈاکٹر بلقیس کے مطابق اسے ہفتے میں 2 سے 3 دفعہ لگائیں، خصوصاً نہانے سے قبل اسے ضرور لگائیں کیونکہ گرم پانی کے استعمال سے بھی بال گرنے لگتے ہیں۔
