کراچی کے مختلف علاقوں میں آوارہ کتے عوام کے لیے وبال جان بن گئے ہیں۔
اے آر وائی نیوز کے مطابق کراچی کے علاقوں اورنگی ٹاؤن، بلدیہ ٹاؤن، عزیز آباد اور ناظم آباد میں سگ گزیدگی کے حالیہ واقعات پیش آئے ہیں۔
شہری کہتے ہیں کہ انتظامیہ کو عرضیاں دے دے کر تھک گئے ہیں کوئی پرسال حال نہیں۔
مسلسل واقعات کے باعث شہری خوفزدہ ہیں جبکہ گلی محلوں، بس اسٹاپ حتیٰ کہ اسپتالوں ک ےباہر بھی منڈلاتے یہ آوارہ کتے اچانک شہریوں پر حملہ آور ہوجاتے ہیں۔
روزانہ درجنوں کی تعداد میں کتوں کے کاٹنے سے زخمیوں کو مختلف اسپتالوں میں لایا جاتا ہے، ڈاکٹرز کا کہنا ہے کہ سگ گزیدگی کے شکار افراد کو بروقت ویکسین نہ ملنے سے اموات بھی ہوجاتی ہیں۔
شہر کی کچی آبادیوں میں پوش علاقوں کی نسبت گلیوں کے باسی کتوں سے متاثرہ افراد کی تعداد بہت زیادہ ہے۔
افضل خان اے آر وائی نیوز سے وابستہ کرائم رپورٹر ہیں