نئی دہلی: بھارت کے بینک میں کام کرنے والے ملازم نے کرونا وائرس سے بچنے کے لیے اپنے ساتھ استری رکھ لی۔
بھارتی میڈیا رپورٹ کے مطابق نجی بینک کا کیشئر عوام سے لین دین کے دوران اپنے پاس استری رکھتا ہے اور وہ باہر سے آنے والے چیک پر گرم استری پھیرتا ہے تاکہ وائرس ختم ہوجائے۔
انٹرنیٹ پر وائرل ہونے والی ویڈیو میں دیکھا جاسکتا ہے کہ ایک صارف نے کیشئر کو چیک دیا تو اُس نے اسے چمٹے کی مدد سے اٹھایا اور پھر اُس پر گرم استری پھیر دی۔
کیشئر کے اس اقدام کو دیکھ کر بینک میں بیٹھے ہوئے دیگر لوگ حیران ہوئے اور وہ ہنسنے پر مجبور ہوگئے۔ کیشئر کا ماننا ہے کہ چیک یا کرنسی پر گرم استری پھیرنے کے بعد وائرس ختم ہوجاتا ہے اور وہ اسے متاثر نہیں کرسکتا۔
In my #whatsappwonderbox I have no idea if the cashier’s technique is effective but you have to give him credit for his creativity! 😊 pic.twitter.com/yAkmAxzQJT
— anand mahindra (@anandmahindra) April 4, 2020
سماجی رابطے کی ویب سائٹ پر ویڈیو شیئر کرنے والے نے لکھا کہ ’مجھے اس بات کا علم نہیں کہ استری کرنے سے نوٹ جراثیم سے پاک ہوجاتا ہے یا نہیں مگر آپ کیشئر کی ایجاد کو قدر کی نگاہ سے دیکھیں‘۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں