The news is by your side.

Advertisement

چھرا مار کی کارروائیوں کے بعد گلستان جوہر میں کرائم کا گراف نیچے آگیا

کراچی : چھرامارکی کارروائیوں کے بعد گلستان جوہر میں کرائم کا گراف نیچے آگیا اور اسٹریٹ کرائم میں 90 فیصد حیرت انگیز کمی واقع ہوئی‌۔

تفصیلات کے مطابق پولیس اور سی پی ایل سی نے جرائم کی تفصیلات جاری کردی , جس کے مطابق رواں ماہ گلستان جوہر سے صرف 7موٹرسائیکل وگاڑیاں چھینی گئیں، 10 روز میں گلستان جوہر سے7موبائل فون چھیننے کی واردات ہوئیں جبکہ 10 روز میں گلشن اقبال سے 18گاڑیاں، موٹرسائیکلیں چھینی گئیں اور گلشن اقبال سے ہی 10 روزمیں16موبائل فون چھیننےکی واردات ہوئی۔

سی پی ایل سی رپورٹ کے مطابق 3 ماہ میں گلستان جوہرسے92موٹرسائیکلیں،گاڑیاں چھینی گئیں، گلستان جوہرسے3ماہ میں 160موبائل فون چھینے گئے جبکہ گلشن اقبال میں 238شہری گاڑیوں، موٹرسائیکلوں سے محروم ہوئے اور گلشن اقبال میں 302 موبائل فون مختلف علاقوں سے چھینے گئے۔

پولیس ذرائع کا کہنا ہے کہ گلستان جوہر اور اطراف میں سادہ لباس اہلکار بھی تعینات ہیں۔


مزید پڑھیں : چھری مارچھلاوے کو پکڑنے کیلئے چھ سو پولیس اہلکار تعینات


یاد رہے کہ لستان جوہر میں خواتین پر تیز دھار آلے سے حملے کرنے کے واقعات 25 ستمبر سے شروع ہوئے اور اب تک 15 خواتین کو حملوں میں زخمی کیا جاچکا ہے، جن میں سے بیشتر کے جسم پر ٹانکے آئے ہیں۔

چھرا مار ملزم کے شبے میں 15 افراد کو گرفتار کیا جاچکا ہے ، جنہیں تفتیش کے بعد رہا کردیا گیا، اب یہ 16 واں ملزم ہے جسے حراست میں لیا گیا لیکن اصل ملزم اب تک گرفت میں نہ آسکا۔

کراچی کے علاقے گلستان جوہر میں خواتین پر چھری سے حملہ کر کے ان کو زخمی کرنے والے ملزم کی گرفتاری میں ناکامی پرپولیس نے عوام سے تعاون کی درخواست کی ہےاور  انعامی رقم میں اضافہ کردیا، چھلاوے کی گرفتاری میں مدد دینے والے کو 5 کے بجائے 10 لاکھ روپے دیئے جائیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں