کراچی میں اسٹریٹ کرائمز کی آڑ میں ٹارگٹ کلنگ کا انکشاف ہوا ہے، اسٹریٹ کرائمز میں قتل کے 65 میں سے 18 کیسز ٹارگٹ کلنگ کے نکلے۔
تفصیلات کے مطابق 65 شہریوں کے قتل پر آئی جی سندھ کو تحقیقات کا ٹاسک دیا گیا تھا، وزیرداخلہ سندھ ضیا لنجار کا کہنا ہے کہ اسٹریٹ کرائم کی وارداتوں میں 18 شہریوں کو باقاعدہ ٹارگٹ کرکے قتل کیا گیا۔
ضیالنجار نے کہا کہ اسٹریٹ کرائمز ظاہر کر کے شہریوں کو ہدف بنایا گیا، اسٹریٹ کرائمزکی آڑ میں کراچی کا امن خراب کرنے کی کوشش کی گئی۔
وزیرداخلہ سندھ نے کہا کہ اسٹریٹ کرائم کے حوالے سے پولیس کام کررہی ہے، گروہ کے گرفتار ہونے سے بہتری آئی ہے۔
انھوں نے کہا کہ کراچی میں جرائم کی شرح پنجاب کے مقابلے میں آج بھی کم ہے، کراچی میں پولیس جلد صورتحال کو مزید بہتر کرلے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں