تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی: سپرہائی وے پر مبینہ پولیس مقابلے میں ڈاکو مارا گیا

کراچی: سپر ہائی وے پر مبینہ مقابلے میں ڈاکو مارا گیا جبکہ نارتھ ناظم آباد میں ملزم اکیلا ہی واردات کرکے فرار ہوگیا۔

اے آر وائی نیوز کے مطابق نارتھ ناظم آباد کے علاقے میں موٹر سائیکل سوار ملزم جنرل اسٹور پر شہری سے رقم چھین کر رفو چکر ہوگیا۔

لوٹ مار کے واقعے کی فوٹیج میں دیکھا گیا کہ ملزم شہری سے رقم چھین کر فرار ہوا تو اس سے موبائل فون گر گیا۔

پولیس کا کہنا ہے کہ سی سی ٹی وی فوٹیج کی مدد سے ملزم کی شناخت کی کوششیں جاری ہیں۔

مبینہ پولیس مقابلے میں ڈاکو مارا گیا

ادھر سپر ہائی جیلانی شاہ مزار کے قریب مبینہ مقابلہ ہوا، پولیس کا بتانا ہے کہ فائرنگ کے تبادلے میں ڈاکو مارا گیا ہے۔

واضح رہے کہ اس سے قبل کراچی کے علاقے صدر لکی اسٹار کے قریب نجی لیبارٹری میں ڈکیتی مزاحمت پر لیبارٹری کے ملازم کو گولی مار دی گئی تھی۔

مزید پڑھیں: کراچی : ڈاکوؤں نے مزاحمت پر لیبارٹری ملازم کو گولی ماردی

اسپتال کے ترجمان کا کہنا ہے کہ کلیکشن پوائنٹ میں زخمی ہونے والا اسٹاف رکن زیر علاج ہے اور اس کی حالت خطرے سے باہر ہے، واقعے سے متعلق تحقیقات میں پولیس سے تعاون کررہے ہیں۔

علاوہ ازیں کراچی کے ضلع وسطی میں کیفے پیالہ کے قریب اِنجن آئل کی دُکان میں ڈکیتی کی واردات ہوئی جس میں تین مسلح ملزمان اسلحہ کے زور پر نقد رقم اور دیگر قیمتی اشیاء لوٹ کر فرارہوگئے تھے۔

کراچی میں اسٹریٹ کرائمز کے وارداتیں تھم نہ سکی ہیں، ڈاکو شہریوں سے قیمتی اشیا چھین کر فرار ہوجاتے ہیں اور مزاحمت پر انہیں قیمتی جانوں سے محروم کردیا جاتا ہے۔

Comments

- Advertisement -