کراچی: بائیک سوار ڈکیت کی خاتون سہولت کار women criminal in Karachi
The news is by your side.

Advertisement

کراچی: بائیک سوار ڈکیت کی خاتون سہولت کار

کراچی: شہر قائد کے رہائشی ہوشیار ہوجائیں بائیک پر مرد کے ساتھ خاتون کو دیکھ کر بھی مطمئن نہ ہوں،اسٹریٹ کرمنلز نے وارداتوں کا نیا طریقہ نکال لیا اور خواتین کو بائیک پر بٹھا کر وارداتیں کرنے لگے۔

تفصیلات کے مطابق بائیک پر مرد کے ساتھ خاتون کو دیکھ کر نہ ہی پولیس والے اسے روکتے ہیں اور نہ لوگ اسے ڈکیت سمجھ کر بھاگنے کی کوشش کرتے ہیں تاہم اب ایسا نہیں ہے کیوں کہ خواتین بھی مردوں کے شانہ بشانہ اسٹریٹ کرائمز کی وارداتوں میں شامل ہوچکی ہیں اور آئے دن کہیں نہ کہیں خاتون ڈکیت یا ڈاکو رانی کے پکڑنے جانے کی اطلاعات موصول ہوتی رہتی ہیں۔

ایسی ہی ایک فوٹیج کراچی کے علاقے شادمان ٹاؤن سیکٹر 14 بی سے موصول ہوئی جس میں ایک بائیک پر سوار خاتون اپنے ساتھی کی ڈکیتی میں مدد کرتی ہوئی نظر آتی ہے۔

یہ واردات دو روز قبل ہوئی جس میں دیکھا جاسکتا ہے کہ بائیک پر پیچھے بیٹی خاتون نے نقاب ڈالا ہوا ہے، ملزمان موٹرسائیکل پر گلی میں گھومتے رہے اور موقع ملنے پر واردات کر ڈالی۔

اے آر وائی نیوز کے رپورٹر کامل عارف کے مطابق یہ وارداتیں ڈسٹرکٹ سینٹرل کے علاقے  میں زیادہ ہورہی ہیں، لوگ انہیں فیملی سمجھ  کر توجہ نہیں دیتے اور یہ اچانک لوٹ مار شروع کردیتے ہیں جب کہ پولیس بھی خاتون کو دیکھ کر بائیک کو نہیں روکتی۔

Comments

comments

یہ بھی پڑھیں