کراچی: شہر قائد کو اسٹریٹ کرمنلز کے رحم وکرم پر چھوڑ دیا گیا ہے، جہاں دندناتے ملزمان کے ہاتھوں گلی میں کھیلنے والا بچہ جاں بحق ہوگیا ہے۔
اے آر وائی نیوز کے مطابق نیو کراچی مسلم ٹاؤن میں اسٹریٹ کرمنلز نے لوٹ مار کےدوران مزاحمت پر فائرنگ کی، نامعلوم ملزمان کی فائرنگ کی زد میں آکربچہ جاں بحق ہوا، جس کی شناخت آٹھ سالہ عبید کے نام سے ہوئی۔
پولیس کے مطابق عبید گھر کے دروازے پر کھیل رہا تھا کہ قریب ہی واردات کے دوران فائرنگ ہوئی، جس کے نتیجے میں آٹھ سالہ بچہ موقع پر ہی جاں بحق ہوگیا۔
ننھے عبید کی لاش گھر پر پہنچی تو اہل خانہ غم سے نڈھال ہوگئے جبکہ اہل علاقہ میں سخت اشتعال پایا جاتا ہے، اہل علاقہ نے پولیس سے مطالبہ کیا ہے کہ فی الفور ملزمان کو گرفتار کیا جائے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں