The news is by your side.

Advertisement

معیشت کی مضبوطی، پاکستان کی امریکا کیلئے برآمدات میں تاریخی اضافہ

کراچی: رواں سال(2020) اکتوبر اور نومبر میں پاکستان کی امریکا کے لیے برآمدات میں تاریخی اضافہ ریکارڈ کیا گیا، برآمدات بالترتیب 430 ملین اور437 ملین امریکی ڈالر رہی۔

تفصیلات کے مطابق مشیرتجارت عبدالرزاق داؤد کا کہنا ہے کہ ایک ماہ میں پہلی بار امریکا کو برآمدات نے 400 ملین امریکی ڈالر سے تجاوز کیا، برآمدات بالترتیب 430 ملین اور437 ملین امریکی ڈالر رہی۔

انہوں نے کہا کہ ہمارے برآمد کنندگان کے لیے یہ بڑی کامیابی ہے۔

مشیر تجارت کا مزید کہنا تھا کہ برآمدکندگان کی حوصلہ افزائی کرتا ہوں، اپنی برآمدات کو امریکی مارکیٹ تک رسائی کے لیے کوشش کرتے رہیں، برآمد کنندگان امریکا کی مارکیٹ میں زیادہ سے زیادہ حصص کے لیے کام کریں۔

دوسری جانب سینیٹر فیصل جاوید نے بھی ٹوئٹ کیا کہ امریکا کے لیے پاکستان کی برآمدات میں ریکارڈ اضافہ ہوا، اکتوبر اور نومبر میں برآمدات 430 اور 437 ملین ڈالرز رہیں، تاریخ میں پہلی بار امریکا کو برآمدات کا حجم400 ملین ڈالر عبور کر گیا۔ معاشی تجزیہ کاروں نے بھی اسے معیشت کے لیے خوش آئند قرار دیا ہے۔

Comments

یہ بھی پڑھیں