سرینگر: نوجوانوں کی شہادت پر مقبوضہ وادی میں ہڑتال occupied-kashmir
The news is by your side.

Advertisement

سرینگر: نوجوانوں کی شہادت پر مقبوضہ وادی میں ہڑتال

سری نگر:  مقبوضہ کشمیر میں قابض بھارتی فورسز کی ریاستی دہشت گردی کے خلاف  آج مکمل شٹر ڈاؤن ہڑتال ہے، ٹرانسپورٹ اور کاروباری مراکز بند ہیں۔

تفصیلات کے مطابق مقبوضہ کشمیر میں ہڑتال دارالحکومت سری نگر کے علاقے مُجگنڈ میں قابض بھارتی فورسز کے رشتریا رایفل گروپ اور اسپیشل آپریشن گروپ کی ظلم و بربریت کا نشانہ بننے والے 3 سے زائد کشمیری نوجوانوں کی شہادت خلاف کی گئی۔

کشمیر میڈیا سروس کا کہنا ہے کہ وادی کشمیر پر قابض بھارتی فورسز نے گذشتہ روز سرچ آپریشن کے دوران نوجوانوں کو شہید جبکہ پانچ رہائشی مکانات کو بھی مسمار کیا تھا۔

کشمیر میڈیا سروس کا کہنا ہے کہ وادی میں ہڑتال کے باعث کاروباری مراکز، تعلیمی ادارے اور ٹرانسپورٹ کا نظام معطل ہے۔

کشمیر میڈیا سروس کے مطابق ہڑتال کی اپیل حریت رہنماؤں کی جانب سے بھارت کی ریاستی دہشت گردی کے خلاف کی گئی تھی۔

کشمیری میڈیا کا کہنا تھا کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیر اعلانیہ کرفیو نافذ کیا ہوا ہے، جبکہ کٹھ پتلی انتظامیہ نے علاقے میں انٹرنیٹ اور موبائل فون سروس بھی بند کی ہوئی ہے۔

کشمیری میڈیا کے مطابق بھارتی فوج کی حالیہ کارروائیوں میں شہید ہونے والے کشمیریوں کی تعداد 28 سے تجاوز کرگئی ہے۔

مزید پڑھیں : مقبوضہ کشمیرمیں بھارتی فوج کی فائرنگ‘ 2 کشمیری شہید

یاد رہے کہ کچھ روز قبل مقبوضہ کشمیر کے علاقے پلواما میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو شہید کیا تھا۔

مزید پڑھیں : مقبوضہ کشمیر میں 18 جوانوں کی شہادت کے خلاف شٹر ڈاؤن ہڑتال

خیال رہے کہ ماہ نومبر کے آواخر میں مقبوضہ کشمیر میں 18 نوجوانوں کی شہادتوں کے خلاف حریت رہنماؤں کی کال پرمکمل شٹر ڈاؤن ہڑتال کی گئی تھی، ٹرانسپورٹ اور کاروباری مراکز بند تھے۔

مزید پڑھیں : مقبوضہ کشمیرمیں بھارتی فوج کی فائرنگ‘ 6 کشمیری شہید

یاد رہے کہ 25 نومبر کو مقبوضہ کشمیر کے ضلع شوپیاں میں بھارتی فورسز نے سرچ آپریشن کے دوران 6 کشمیری نوجوانوں کو شہید کردیا تھا۔

واضح رہے کہ گزشتہ ماہ کشمیری رہنما میرحفیظ اللہ بھارتی قید سے آزاد ہو کرپہنچے تھے اورانہیں مسلسل نامعلوم نمبرز سے دھمکی آمیز کالز موصول ہو رہی تھیں۔

کشمیری میڈیا کے مطابق 20 نومبر کو میرحفیظ اللہ کو ان کے گھر میں گھس کر فائرنگ کرکے قتل کردیا گیا۔

Comments

comments

یہ بھی پڑھیں