ویلنگٹن: نیوزی لینڈ میں شدید زلزلے کے بعد سونامی کی وارننگ جاری کردی گئی۔
غیر ملکی میڈیا رپورٹ کے مطابق دنیا بھر میں ہونے والی زلزلے کی سرگرمیوں پر نظر رکھنے والی تنظیم یونائیٹڈ جیولاجیکل سروے (یو ایس جی ایس) کے مطابق نیوزی لینڈ کے کیرماڈیک جزائر میں 7.1 شدت کا زلزلہ آیا جس کا مرکز 10 کلومیٹر کی گہرائی میں موجود تھا۔
زلزلے کے کچھ دیر بعد ہی امریکی سونامی وارننگ سسٹم کی طرف سے 300 کلومیٹر کے دائرے میں قریبی، غیر آباد جزائر کے لیے سونامی الرٹ جاری کی گئی ہے۔
خیال رہے کہ 6 فروری کو ترکیہ اور شام میں 7.8 شدت کے زلزلے کے شدید جھٹکے محسوس کیے گئے تھے، زلزلے کا مرکز جنوبی ترکیہ کا غازین تیپ تھا، جو شام اور ترکیہ کی سرحد پر واقع ہے، زلزلے نے دونوں ملکوں میں کافی تباہی مچائی جس میں 44 ہزار لوگ ہلاک اور لاکھوں عمارتیں تباہ ہو گئیں۔
Comments
- Advertisement -
