The news is by your side.

Advertisement

ٹیچر پرنسپل بننے کےلئے لڑپڑے، ویڈیو وائرل

اسکول پرنسپل کا عہدہ حاصل کرنے کےلیے دو افراد محکمہ تعلیم کے دفتر میں گتم گتھا ہوگئے جیسے دو بچے آپس میں لڑرہے ہوں، واقعے کی مضحکہ خیز ویڈیو سوشل میڈیا پر وائرل ہوگئی۔

بھارت سے ایسی مضحکہ خیز ویڈیوز اکثر و بیشتر انٹرنیٹ کی زینت بنتی رہتی ہیں، ایسی ہی ایک اور ویڈیو ان دنوں سوشل میڈیا پر وائرل ہورہی ہے جس میں دو افراد کو پرنسپل کے عہدے کےلیے لڑتے ہوئے دیکھا جاسکتا ہے۔

واقعے کی تفصیلات کچھ اس طرح ہیں کہ شوشنکر گری نامی اسکول ٹیچر اور رنکی کماری نامی خاتون ٹیچر کا شوہر ضروری دستاویزات جمع کروانے محکمہ تعلیم موتی ہری ٹاؤن کے دفتر پہنچے۔

محکمہ تعلیم کے دفتر میں دونوں افراد کا آپس میں بحث مباحثہ شروع ہوا کہ کون زیادہ حقدار ہے پرائمری اسکول پرنسپل کے عہدے کا اور پھر دیکھتے ہی دیکھتے دونوں آپس میں بچوں کی طرح سے گتم گتھا ہوگئے۔

اس جھگڑے کی ویڈیو انٹرنیٹ پر تیزی سے وائرل ہورہی ہے، جس میں دیکھا جاسکتا ہے کہ رنّکی کے شوہر نے ڈبلیو ڈبلیو ای والا داؤ لگاتے ہوئے شیوشنکر کو گردن سے پکڑا اور زمین پر پٹخ دیا۔

Comments

یہ بھی پڑھیں