The news is by your side.

Advertisement

فیصل آباد: گولی لگنے سے جاں بحق طالب علم کا واقعہ معمہ بن گیا

فیصل آباد: پنجاب میں گولی لگنے کے باعث جاں بحق ہونے والے آٹھویں جماعت کے طالبعلم مزمل کا واقعہ ایک معمہ بن گیا۔

تفصیلات کے مطابق گذشتہ روز پنجاب کے شہر فیصل آباد میں مزمل اپنے دوستوں کے ساتھ پستول تھامے سیلفی بنارہا تھا کہ اچانک فائرنگ ہوگئی اور طالب موقع پر ہی جاں بحق ہوگیا۔

پولیس نے حیران کن انکشاف کیا ہے کہ سیلفی کے بہانے دو دوستوں نے مل کر تیسرے دوست(مزمل) کی جان لی۔

پولیس حکام کا کہنا ہے کہ گولی کا نشانہ بننے والا مزمل اپنے دوست مبشر اور اویس کے ساتھ آٹھویں جماعت میں پڑھتا تھا، چار روز قبل تینوں دوستوں کا اسکول میں جھگڑا ہوا۔

پولیس کے مطابق مزمل کے والد سرور نے بتایا کہ مبشر اور اویس سیلفی کے بہانے میرے بیٹے کو ساتھ لے گئے، سیلفی بنانے کے دوران اویس نے ٹریگر دبا دیا۔

پولیس نے مبشر اور اویس کو گرفتار کرکے تھانہ چک جھمرہ میں مقدمہ درج کرلیا ہے۔

لواحقین نے مطالبہ کیا ہے کہ ہمیں فوری طور پر انصاف فراہم کیا جائے اور ملزمان کو کیفر کردار تک پہنچایا جائے۔

Comments

comments

یہ بھی پڑھیں