جمعہ, فروری 14, 2025
اشتہار

پشاور: ذہنی تناؤ کے باعث طالب علم نے خود کشی کرلی

اشتہار

حیرت انگیز

پشاور: خیبرپختونخواہ میں میڈیکل کے طالب علم نے مبینہ طور پر ذہنی تناؤ کے باعث خود کشی کرلی۔

تفصیلات کے مطابق مردان سے تعلق رکھنے والا نوجوان پشاور کے خیبر میڈیکل کالج میں فائنل ائیر کا طالب علم تھا۔

پولیس نے واقعے سے متعلق تحقیقات شروع کردی، خود کشی کی وجہ ذہنی دباؤ ظاہر کی گئی ہے تاہم تحقیقات کے بعد خود کشی کی اصل وجہ سامنے آجائے گی۔

لاش کو پوسٹ مارٹم کے لیے مقامی اسپتال منتقل کردیا گیا، پولیس نے خود کشی کے حوالے سے رائے قائم کرنا قبل از وقت قرار دیا ہے۔

پوسٹ مارٹم کے بعد لاش ورثہ کے حوالے کردیا جائے گا۔

کراچی، اسکول طالب علم نے چھت سے چھلانگ لگا کر خودکشی کی، ایس ایس پی

خیال رہے کہ گذشتہ سال اکتوبر میں کراچی کے علاقے سمن آباد میں ایک نجی اسکول کی چھت سے 11 سالہ بچے نے چھلانگ لگا کر خود کشی کرلی تھی۔

اسکول کی چھت سے چھلانگ لگا کر خودکشی کرنے والا بچہ کافی عرصے سے بیمار تھا اور گھریلو حالات سے دلبرداشتہ تھا۔

واضح رہے کہ نومبر 2017 میں ماں نے گھریلو جھگڑے کے بعد مبینہ طور پر بچیوں کو زہر دے کر خودکشی کرلی تھی۔

اہم ترین

مزید خبریں