تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مستحق طالب علموں کو مفت انٹرنیٹ اور ٹیبلیٹ استعمال کرنے کی اجازت

برازیلا: برازیل کے شہر ریسیف میں واقع ایک شاپنگ مال نے انٹرنیٹ سے محروم طالب علموں کے لیے مفت سروس متعارف کرادی۔

میڈیا رپورٹ کے مطابق ایک ایسا طالب علم جس کے پاس انٹرنیٹ دستیاب نہیں وہ شاپنگ مال میں آکر انٹرنیٹ کی مدد سے اسکول کا ہوم ورک مکمل کرسکتے ہیں۔

انٹرنیٹ پر وائرل ہونے والی ویڈیو میں دیکھا جاسکتا ہے کہ دس سال کا طالب علم اسٹال پرنصب ٹیبلیٹ پر انٹرنیٹ استعمال کررہا اور وہاں سے چیزیں نوٹ کر کے انہیں کاپی میں لکھ رہا ہے۔

شاپنگ مال میں موجود ویڈیو بنانے والے شخص نے اس بات کو نوٹ کیا کہ طالب علم کو کوئی بھگا نہیں رہا بلکہ اُسے ایک ملازم کی جانب سے مدعو کیا گیا تاکہ وہ اسکول سے ملنے والا کام مکمل کرے۔

سماجی رابطے اور مائیکرو بلاگنگ کی ویب سائٹ ٹویٹر پر مذکورہ ویڈیو ’انسانیت سب سے بہترین‘ کے ساتھ شیئر کی گئی جس میں بچے کو ڈیوائس اور انٹرنیٹ استعمال کرتے دیکھا جاسکتا ہے۔

رپورٹ کے مطابق طالب علم کی شناخت گولیھرمی ساتیاگو کے نام سے ہوئی جس پانچویں جماعت میں زیر تعلیم ہے۔ ذرائع آمدن کم ہونے کی وجہ سے گھر پر انٹرنیٹ کی سہولت موجود نہیں ہے۔

برازیل کی ویب سائٹ کے مطابق شاپنگ مال میں موجود اسٹور میں 12 ٹیبلیٹس موجود ہیں جہاں ہر ہفتے 278 کے قریب طالب علم آکر اپنا ہوم ورک مکمل کرتے ہیں۔

Comments

- Advertisement -