The news is by your side.

Advertisement

یو اے ای کے اسکول میں طلباء کی توڑ پھوڑ، وزارت تعلیم نے نوٹس لے لیا

ابو ظہبی : متحدہ عرب امارات کے اسکول میں  توڑ پھوڑ  کی ویڈیو سوشل میڈیا پر وائرل ہوگئی،  وزارت تعلیم نے واقعے میں ملوث طلباء کے والدین کو نقصان کی تلافی کا نوٹس جاری کر دیا۔

تفصیلات کے مطابق متحدہ عرب امارات کی وزارت تعلیم نے سوشل میڈیا پر طالب علموں کی جانب سے اسکول میں توڑ پھوڑ کرنے کی ویڈیو وائرل ہونے کے بعد نوٹس لیتے ہوئے اسکول کی املاک کو نقصان پہنچانے والے طلباء کے خلاف کارروائی کرنے کا فیصلہ کرلیا ہے۔

متحدہ عرب امارت کی وزارت تعلیم کا جاری بیان میں اسکول میں توڑ پھوڑ کرنے والے طالب علموں کی مذمت کرتے ہوئے کہا ہے کہ طلباء کا نامناسب اور پُر تشدد رویہ ہرگز برداشت نہیں کیا جائے۔

وزارت تعلیم کا کہنا تھا کہ اسکول میں زیر تعلیم بچوں کا غلط رویہ متحدہ عرب امارات کی روایات اور اقدار کے برعکس ہے۔

غیر ملکی خبر رساں ادارے کے مطابق سوشل میڈیا پر وائرل ہونے والی ویڈیو میں دیکھا جاسکتا ہے کہ کچھ طالب علم کلاس روم کے اندر رکھی ہوئی کرسیاں، میز، کمپیوٹر اور اوپر لگا پروجیکٹر توڑ رہے ہیں۔

غیر ملکی خبر رساں ادارے کا کہنا تھا کہ متحدہ عرب امارات کی وزارت تعلیم نے جاری بیان میں کہا ہے کہ ’اسکول میں موجود املاک کو نقصان پہنچانے والے طلباء کے والدین اور سرپرستوں کو قوانین کے تحت نقصان کی تلافی کرنی ہوگی‘۔

یو اے ای وزارت تعلیم نے اسکول میں پیش آنے والے افسوس ناک واقعے کے بعد طالب علموں سے ذمہ دارانہ رویہ اختیار کرتے ہوئے اسکول کے سامان کو نہ توڑنے کی گذارش کی گئی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں