تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

میانمار کی ریاست راکھین میں اسکول پر شیلنگ

راکھین:‌میانمار کی ریاست راکھین میں اسکول پر شیلنگ کے نتیجے میں درجنوں بچے زخمی ہوگئے۔

بین الاقوامی میڈیا رپورٹس کے مطابق راکھین میں خودمختاری کی لڑائی کے دوران مسلح بدھ مت کے پیروکاروں اور افواج کے درمیان زبردست جھڑپیں ہوئی ہیں۔

مقامی رکن پارلیمنٹ نے نیوز ایجنسی سے ٹیلیفونک گفتگو میں بتایا کہ آرٹلری فائر سے اسکول کو نشانہ بنایا گیا ہے، شیلنگ کے نیتجے میں خواموی چونگ گاؤں کے پرائمری اسکول میں زیر تعلیم متعدد بچے زخمی ہوگئے۔

رکن پارلیمنٹ کے مطابق وزارت صحت نے 19بچوں کے زخمی ہونے کی تصدیق کی ہے جس میں ایک کی حالت تشویشناک ہے اور اس کی جان بچانے کی کوشش کی جارہی ہے۔

فوجی ترجمان اور بدھ متوں نے واقعے کی ذمہ داری قبول کرنے سے انکار کیا ہے، فوجی ترجمان کا کہنا ہے کہ زخمیوں کی تعداد 20 ہے جنہیں طبی امداد دی جارہی ہے اور حملے کے ذمہ دار باغی ہیں۔

واضح رہے کہ سرکاری فوج اور بدھ مت کے باغیوں کے درمیان خطے کی خودمختاری کے لیے مسلح جھڑپیں جاری ہیں اور 2018 سے اب تک دسیوں ہزاروں افراد بے گھر ہو چکے ہیں۔

اراکان آرمی کی جانب سے مسلح بغاوت کی وجہ سے خطے میں نیا انتشار پیدا ہوا جہاں بدترین ملٹری کریک ڈاؤن کے باعث مسلم اکثریت والے خطے میں 7 لاکھ سے زائد روہنگیا مسلمان ہجرت کر چکے ہیں۔

Comments

- Advertisement -