کراچی : جامعہ کراچی کے ہزاروں طلبا نئے تعلیمی سال کے آغاز پر اساتذہ کے احتجاج کے باعث مشکلات کا شکار ہے۔
تفصیلات کے مطابق انجمن اساتذہ جامعہ کراچی میں احتجاج کے باعث تدریسی عمل آج بھی معطل رہا۔
نئے تعلیمی سال کے آغاز پر اساتذہ کے احتجاج سے ہزاروں طلبا مشکلات کا شکار ہے ، سلیکشن بورڈ کے لئے احتجاج بلا جواز ہے۔
اساتذہ کی جانب سے کلاسوں کے بائیکاٹ کے خلاف طلبہ تنظیموں نے احتجاج کا فیصلہ کرلیا۔
انجمن اساتذہ جامعہ کراچی کا کہنا ہے کہ مطالبات کی منظوری تک بائکایٹ جاری رکھیں گے مطالبات منظور ہونے پر سیمسٹر کو دس دن آگے بڑھایا جا سکتا ہے۔
دوسری جانب پیپلز اسٹوڈنٹس فیڈریشن کے تحت جامعہ کراچی میں آج مظاہرہ کیا گیا ، اسلامی جمعیت طلبہ کی جانب سے بھی اساتذہ کے بائیکاٹ کی مذمت کی گئی ہے۔
طلبہ تنظیموں کا کہنا ہے کہ گذشتہ سال بھی نئے تعلیمی سال کے آغاز پر اساتذہ نے بلا جواز احتجاج کیا تھا، وائس چانسلر جامعہ کراچی صورتحال کا نوٹس لیں،تدریسی عمل فوری بحال کرایا جائے۔