پنجاب: اسکولوں میں ٹریفک قوانین کا مضمون پڑھانے کا فیصلہ - ARYNews.tv
The news is by your side.

Advertisement

پنجاب کے اسکولوں میں‌ ٹریفک قوانین پڑھانے کا فیصلہ

لاہور: لودھراں حادثے کے بعد اب پنجاب حکومت نے اسکول کے نصاب میں ٹریفک قوانین کا مضمون شامل کرنے کا فیصلہ کرلیا، اور یہ مضمون اسکولوں کے لیے لازم قرار دیا گیا ہے جس کی ہدایات جاری کردی گئیں۔

اے آر وائی نیوز کے نمائندہ حسن حفیظ کے مطابق حکومت پنجاب نے فیصلہ کیا ہے کہ ٹریفک قوانین سرکاری و نجی اسکولوں میں لازمی طور پر پڑھائے جائیں گے، ٹریفک قوانین پڑھانے کے لیے تمام اسکولوں میں زیرو پریڈ لگائے جائیں گے۔

اطلاعات کے مطابق زیرو پریڈ تمام اسکولز میں اسمبلی کے اوقات کار میں لگایا جائے گا اس حوالے سے محکمہ تعلیم نے ٹریفک قوانین پڑھانے کے حوالے سے پنجاب بھر کے اسکولوں کو ہدایات جاری کردیں۔

یہ بھی اطلاعات ہیں کہ پہلے مرحلے میں اساتذہ کو تربیت دی جائے گی جو بعد میں اپنے طلبا کو یہ تربیت منتقل کریں گے، انہیں سڑک پار کرنے، ٹریفک کے سائن کو جاننے اور دیگر بنیادی قوانین سے آگاہی فراہم کی جائے گی تاکہ وہ حادثات سے بچ سکیں۔

یہ پڑھیں: لودھراں میں 2 رکشا ٹرین کی زد میں آگئے، 7 طالب علم جاں بحق

واضح رہے کہ آج صبح لودھراں میں طالب علموں سے بھرے دو چنگ چی رکشا ٹرین کے آگے آگئے جس کے باعث سات طلبا جاں بحق اور متعدد زخمی ہوگئے، ملک بھرمیں اس واقعے کی گونج نے لوگوں کو افسردہ کردیا۔

Comments

comments

یہ بھی پڑھیں