درشہ خیل، کرک میں کامیاب آپریشن میں ہلاک 17 خوارج کی فوٹیج اے آر وائی نیوز نے حاصل کرلی۔
سیکیورٹی ذرائع کے مطابق بھارتی انسپاسرڈ خوارج دہشت گردوں کے خلاف کامیاب آپریشن کیا گیا۔ فورسز نے انتہائی پیشہ ورانہ مہارت سے دہشت گردوں کے ٹھکانے کو نشانہ بنایا۔
آپریشن میں فورسز نے 17 بھارتی اسپانسرڈ خوارج جہنم واصل کیے گئے۔
ویڈیو میں دیکھا جاسکتا ہے کہ دہشت گرد غار کی جانب بھاگ رہے ہیں، دہشت گردوں کو واضح طور پر دیکھا جاسکتا ہے جنہیں ہلاک کردیا گیا۔
یہ پڑھیں: کرک: درشہ خیل میں سکیورٹی فورسز کی اہم کارروائی میں 17 خوارج ہلاک
سیکیورٹی ذرائع کے مطابق آپریشن فتنہ الخوارج کے ملانذیر گروپ کے خوارجیوں کی موجودگی پر اطلاعات پر کیا گیا، آپریشن میں 7 سے 10 خوارجی کے زخمی ہونے کی بھی اطلاعات ہیں۔
سیکیورٹی ذرائع کا کہنا ہے کہ جہنم واصل فتنہ خوارج کے دہشت گرد مختلف دہشت گردانہ کارروائیوں میں ملوث تھے، پاک فوج اور سیکیورٹی ادارے دہشت گردی کے ناسور کو ختم کرنے کے لیے پرعزم ہیں۔
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں