خرطوم: جنوبی سوڈان میں کارگو طیارہ گر کر تباہ ہوگیا، جس کے نتیجے میں 40 افراد ہلاک ہوگئے.
غیر ملکی خبر رساں ادارے کے مطابق جنوبی سوڈان میں کارگو طیارہ گر کر تباہ ہوگیا، جس کے نتیجے میں 40 افراد ہلاک ہو گئے۔ غیر ملکی خبر رساں ایجنسیوں کے مطابق جہاز میں عملے کے 20 ارکان سمیت کئی مسافر بھی سوار تھے۔ طیارہ جنوبی سوڈان سے اڑان بھرنے کے کچھ دیر بعد جوبا ائیرپورٹ سے 800 میٹر کی دوری پر جنوبی سوڈان میں گر کر تباہ ہو گیا.
مقامی میڈیا کا حادثے کے بارے میں کہنا ہے کہ ہوائی جہاز کے کچھ حصوں کو دریائے نیل کے قریب پڑا دیکھا گیا ہے ۔
جنوبی سوڈان کے صدر کے ترجمان کے مطابق طیارے میں سوار 40 افراد ہلاک ہو گئے، جن میں ایک عورت اور 7 بچے بھی شامل ہیں جبکہ ایک خاتون سمیت 2 افراد ہی زندہ بچ سکے ہیں۔
واضح رہے کہ چند روز قبل مصر کے صحرائے سینا میں روس کا مسافر طیارہ گر کر تباہ ہو گیا تھا، جس کے نتیجے میں 224 افراد ہلاک ہو گئے تھے۔