The news is by your side.

Advertisement

سوڈانی قیدی پاکستانی ملی نغموں پر جھوم اٹھا

کراچی: جشن آزادی کے سلسلے میں ملیر کی بچہ جیل اور سینٹرل جیل میں تقریب منتعقد کی گئی جس میں ڈیوٹی پر مامور پولیس اہلکاروں اور قیدیوں نے رقص کر کے وطن سے اپنی محبت کا ثبوت دیا۔

تفصیلات کے مطابق کراچی کی سینٹرل اور ملیر جیل میں قید ملزمان نے جشن آزادی کے موقع پر قوم کے ساتھ جشن آزادی کی تقاریب میں حصہ لیا، اس موقع پر پولیس اہلکاروں جذبہ حب اوطنی میں ملی نغموں پر جھومے تو قیدیوں نے بھی کو کسر باقی نہیں چھوڑی۔

Sudani-prision-Malir-Jail

ملیر جیل کی انتظامیہ نے جشن آزادی کے موقع پر تقریب کا انعقاد کیا اور تمام بیرکس کے قیدیوں کو گراؤنڈ میں جمع کر کے تیز آواز میں ملی نغمے لگائے تو پولیس اہلکار اپنے جذبات پر قابو نہ رکھ سکے اور نغموں کی دُھن پر جھوم اٹھے، جس کے بعد وہاں موجود قیدیوں نے بھی رقص شروع کردیا۔

ملیر جیل میں منعقدہ تقریب اُس وقت عروج پر آگئی جب سوڈانی قیدی نے نغموں کی دھن پر رقص شروع کیا جسے دیکھ کر جیل میں قید ملزمان اور انتظامیہ دنگ رہ گئے۔

اس موقع پر بچہ جیل میں مشیر قانون سندھ مرتضی وہاب اور مشیر انسانی حقوق ریحانہ لغاری نے نوعمر قیدیوں میں تحفے تحائف تقسیم کیے جبکہ سینٹرل جیل میں بھی تقریب کے اختتام پر قیدیوں میں مٹھائیاں اور قومی پرچم تقسیم کیے۔

Print Friendly, PDF & Email

Comments

comments

یہ بھی پڑھیں