The news is by your side.

Advertisement

شوگر انکوائری کمیشن، ایف آئی اے نے افغانستان سے تفصیلات مانگ لیں

اسلام آباد: شوگر انکوائری کمیشن کے حوالے سے جانچ پڑتال کے لیے وفاقی تحقیقاتی ایجنسی(ایف آئی اے) نے افغانستان سے چینی برآمدگی کی تفصیلات مانگ لیں۔

فیڈرل انوسٹی گیشن ایجنسی(ایف آئی اے) نے افغانستان سے شوگر برآمدگی کی تٖفصیلات کے حصول کے حوالے سے دفتر خارجہ کو مراسلہ بھی جاری کر دیا ہے، دفترخارجہ سے افغانستان شوگر برآمد کی تفصیلات مانگی گئی ہیں۔

ایف آئی اے نے سال 15-2014 اور 19-2020 میں شوگربرآمد کی تفصیلات مانگ لیں۔

شوگر انکوائری کمیشن کی رپورٹ پبلک کرنے کے بعد وزیراعظم کا ایک اور بڑا فیصلہ

تحقیقاتی ایجنسی کا کہنا ہے کہ تمام تر تفصیلات افغانستان ایمبیسی کے ذریعے منگوائی گئی ہیں، مکمل تفصیلات ایکسل اور ہارڈ کاپی میں فراہم کی جائیں، بذریعہ ای میل تمام تر معلومات ہمیں موصول ہوں گی۔

ایف آئی اے نے مطالبہ کیا کہ افغانستان کی ذمہ دار اتھارٹی مجموعی طور پر چینی برآمدکی رپورٹ دیں۔

شوگر مافیا کے خلاف کارروائی کیلئے ایف آئی اے کی 11 تحقیقاتی رکنی ٹیم تشکیل

خیال رہے کہ 31 جولائی کو شوگر مافیا کے خلاف کارروائی کے لیے ایف آئی اے کی گیارہ رکنی تحقیقاتی ٹیم تشکیل دی تھی، مذکورہ ٹیم ہی جعلی طور پر چینی کی افغانستان برآمد کرنے سمیت منی لانڈرنگ کی بھی تحقیقات کررہی ہے، تحقیقاتی ٹیم کے سربراہ ڈائریکٹر ایف آئی اے اسلام آباد زون ڈاکٹرمعین مسعود ہیں۔

ایف آئی اے کی تحقیقاتی ٹیم میں کسٹمز، ایف آئی اے، ایف بی آر اور اسٹیٹ بینک نمائندے بھی شامل ہیں، گیارہ رکنی تحقیقاتی ٹیم جعلی طور پر چینی کی افغانستان برآمد کرنے سمیت منی لانڈرنگ کی بھی تحقیقات کررہی ہے۔

Comments

یہ بھی پڑھیں