کراچی: ملک میں گزشتہ ایک ہفتے میں چینی کی فی کلو قیمت میں 8 روپے تک اضافہ ہو گیا ہے۔
محکمہ شماریات کی دستاویز کے مطابق ملک بھر میں چینی کی اوسط قیمت 143 روپے سے زائد ریکارڈ کی گئی ہے، گزشتہ سال اسی عرصے میں چینی کی اوسط قیمت 95 روپے 29 پیسے تھی، ایک سال میں چینی کی فی کلو اوسط قیمت میں 48 روپے تک اضافہ ہوا۔
کوئٹہ میں چینی کی فی کلو قیمت 174روپے تک پہنچ گئی ہے، پشاور اور اسلام آباد میں چینی 150 روپے فی کلو دستیاب ہے، راولپنڈی اور لاہور بھی چینی 150 روپے فی کلو فروخت کی جا رہی ہے۔
سرگودھا، ملتان اور گوجرانوالہ میں چینی 145 روپے فی کلو فروخت ہو رہی ہے، جب کہ کراچی اور لاڑکانہ میں چینی فی کلو 140 روپے میں دستیاب ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں