The news is by your side.

Advertisement

چینی کی قیمتوں کی نئی اڑان، صارفین پریشان

کراچی/لاہور/ ملتان: ملک بھر میں چینی کی قیمتوں میں ہوش ربا اضافے نے صارفین کا پارہ ہائی کردیا ہے۔

تفصیلات کے مطابق کرشنگ سیزن سے قبل ہی چینی کی قیمتوں کو پر لگ گئے اور چینی کی مجموعی قیمت میں 25 تا 30 روپے تک کا ہوشربا اضافہ ہوگیا ہے۔

کراچی

شہر قائد میں یکدم چینی کی قیمت میں 25 روپے فی کلو کا من مانا اضافہ کردیا گیا ہے، جس کے باعث ہول سیل مارکیٹ میں بھی چینی کی قیمت 140 روپے فی کلو ہوگئی ہے۔

لاہور

پنجاب کے مختلف شہروں میں بھی چینی کی قیمتین آسمان سے باتیں کرنے لگی ہیں، لاہور کی تھوک مارکیٹ میں چینی کی فی کلو قیمت میں 9 روپے فی کلو کا اضافہ ہوگیا ہے، لاہور کی معروف اکبری منڈی میں چینی کی فی کلو قیمت 135 تک جاپہنچی ہے۔

گزشتہ روز تھوک مارکیٹ میں چینی کی قیمت 126 روپے فی کلو تھی، ٓمارکیٹ ذرائع کا کہنا ہے کہ چینی ڈیلرز نے ناجائز منافع کمانے کے لیے مصنوعی قلت پیداکی ہے۔

ملتان

لاہور کی طرح ملتان میں بھی ذخیرہ اندوزوں نے چینی کی فی کلو قیمت میں 30 روپے کا اضافہ کردیا ہے، ملتان شہر میں دو قسم کی چینی من مانی قیمت میں فروخت کی جارہی ہے، موٹی دانے والی چینی کی قیمت 140 روپے فی کلو جبکہ باریک دانے والی 90 روپے فی کلو پر فروخت کی جارہی ہے۔

سکھر

سکھر ملک کی دیگر شہروں کی طرح سکھر کی اوپن مارکیٹ میں چینی کی 135سے 140روپے فی کلو میں فروخت جاری ہے جبکہ ہول سیل میں چینی کی قیمت 127 روپے فی کلو خرید جاری ہے۔

مارکیٹ ذرائع کا کہنا ہے کہ 50 کلو چینی کی بوری پر 4 دن میں 17 سو روپےکا اضافہ ہوا ہے اور 4900 میں 50 کلو کی بوری کی 6600 روپےمیں فروخت ہورہی ہے۔

 

Comments

یہ بھی پڑھیں