اسلام آباد: یوٹیلیٹی اسٹورز کارپوریشن کو چینی کی خریداری میں کامیابی ملی ہے۔ اس نے 20 ہزار میٹرک ٹن چینی خرید لی۔
ذرائع یوٹیلیٹی اسٹورز نے بتایا کہ کارپوریشن کو اخراجات ملا کر فی کلو چینی 150 روپے میں پڑے گی جبکہ چند روز میں اسٹورز پر چینی کی دستیابی ہو جائے گی۔
ذرائع نے بتایا کہ اسٹورز پر اسٹاک ختم ہونے کے باعث چینی کا بحران ہے جبکہ 40 ہزار میٹرک ٹن چینی کا ٹینڈر کھولا تھا، اسٹورز کو 135 روپے 27 پیسے فی کلو حساب سے کم سے کم بولی ملی تھی۔
چند روز قبل کارپوریشن نے 40 ہزار میٹرک ٹن چینی کا ٹینڈر کھول دیا تھا جس سے چینی کا بحران ختم ہونے کی راہ ہموار ہوئی تھی۔
ذرائع نے بتایا تھا کہ کارپوریشن کو 20 ہزار میٹرک ٹن چینی کی خریداری کیلیے بولی موصول ہوئی، اسٹورز کو ایک سو پینتیس روپے ستائیس پیسے فی کلو کے حساب سے بولی موصول ہوئی۔
ذرائع کے مطابق اخراجات ملا کر کارپوریشن کو فی کلو چینی تقریباً ڈیڑھ سو روپے میں پڑے گی۔
