جرائم کی روک تھام کیلئے جدید ٹیکنالوجی سے مدد لے رہے ہیں، سہیل انور سیال -
The news is by your side.

Advertisement

جرائم کی روک تھام کیلئے جدید ٹیکنالوجی سے مدد لے رہے ہیں، سہیل انور سیال

کراچی : وزیرداخلہ سندھ سہیل انور سیال نے کہا ہے کہ عوام کو تحفظ فراہم کرنا حکومت کی اولین ترجیح ہے، جدید دور کے تقاضوں کو مدنظر رکھتے ہوئے ٹیکنالوجی کی مدد لے رہے ہیں۔

ان خیالات کا اظہارانہوں نے کراچی میں جرائم کی روک تھام کیلئے بائیو میٹرک نظام متعارف کروانے کی تقریب سے خطاب کرتے ہوئے کیا ۔

صوبائی وزیر داخلہ نےکہاکہ ماضی میں بڑے ملزمان شناختی کارڈ میں نام تبدیل کروا کر اپنے آپ کو کلیئر کروالیتے تھے۔ جرائم کی روک تھام کے لئے جدید دور کے تقاضوں کو مدنظر رکھتے ہوئے ٹیکنالوجی کی مدد لے رہے ہیں۔

تقریب سے خطاب کرتے ہوئے ایڈیشنل آئی جی کراچی مشتاق مہر نے کہا کہ کرائم سین سے ملزم کی گرفتاری تک شواہد کومحفوظ بنانے اور تفتیش کومؤثر انداز میں آگے بڑھانے میں متعارف کردہ نظام سے مدد ملے گی۔

انہوں نے کہا کہ جدید ٹیکنالوجی کی مدد سے ملزمان کا بائیو میٹرک ریکارڈ مرتب کیا جائے گا۔

Comments

comments

یہ بھی پڑھیں