کابل: افغان طالبان کی جانب سے برطانوی وزیر دفاع کے بیان کا خیر مقدم کیا گیا ہے۔
تفصیلات کے مطابق ترجمان افغان طالبان سہیل شاہین نے ایک بیان میں کہا ہے کہ برطانوی وزیر دفاع کا طالبان کے ساتھ کام کرنے کا بیان مثبت ہے، ہم دنیا کے ساتھ اچھے تعلقات چاہتے ہیں۔
ترجمان افغان طالبان نے کہا ہم اپنی سرزمین کسی اور ملک کے خلاف استعمال ہونے نہیں دیں گے، نہ کسی کے اندرونی معاملات میں مداخلت کریں گے، اور نہ کسی کو کرنے دیں گے۔
1/3
We view remarks made by the British Defense Secretary to the Daily Telegraph as positive, saying we can work with the Islamic Emirate. The Islamic Emirate stresses, we want good and positive relations with the world and are committed to international principles— Suhail Shaheen. محمد سهیل شاهین (@suhailshaheen1) July 15, 2021
سہیل شاہین کا کہنا تھا کہ طالبان مذہبی اور قومی روایات کی روشنی میں عالمی قوانین کی پاسداری کریں گے۔
برطانیہ کی طالبان کو بڑی پیشکش
گزشتہ روز طالبان کے حکومت بنانے سے متعلق برطانوی وزیر دفاع بین ویلس نے کہا تھا کہ اگر افغانستان میں طالبان نے حکومت تشکیل دی تو عالمی برادری کے پاس اس کے سوا کوئی چارہ نہیں ہوگا کہ ان کے ساتھ مل کر کام کریں۔
بین ویلس نے کہا کہ عالمی قوانین پر عمل کرتے ہوئے برطانیہ بھی افغانستان کی نئی حکومت کے ساتھ کام کرے گا، لیکن اگر حکومت نے انسانی حقوق کی خلاف ورزی کی تو تعلقات پر نظر ثانی کی جائے گی۔