کراچی: شہر قائد میں ایس ایس جی سی پولیس نے گیس چوری کی اطلاع پر کیمیکل فیکٹری اور پاور جنریٹنگ یونٹ پر چھاپہ مار ا،ایک ملزم گرفتار دوسرا فرار ہوگیا۔

تفصیلات کے مطابق گیس چوری کی اطلاع پر سوئی سدرن گیس کمپنی (ایس ایس جی سی) کی پولیس نے شہر قائد کے علاقوں ایف بی ایریا اور لیاقت آباد میں چھاپے مارے۔

ایف بی ایریا میں چھاپہ ایک کیمیکل فیکٹری پر مارا گیا جہا ں کمپنی کا مالک دانش میٹر ٹیمپرنگ کر کے 805 کیوبک فیٹ گیس پر آور (فی گھنٹہ) چوری کر رہا تھا۔

دوسرا چھاپہ لیاقت آباد میں مارا گیا جہاں ملزم زبیر 20 کے وی کے جنریٹر سے بجلی بنا کر کمرشل بنیاد پر فروخت کر رہا تھا۔

ترجمان سوئی سدرن کے مطابق گیس چوری کے الزام میں ملزمان کے خلاف ایف آئی آر درج کر لی گئی ہے، گیس چوری کے سبب کمپنی کو لاکھوں روپے کا نقصان ہو رہا تھا