The news is by your side.

Advertisement

ماں کی 3 بیٹیوں کو کنویں میں پھینک کر خودکشی کی کوشش، بچیاں جاں بحق

راولپنڈی : حالات سے تنگ ماں نے تین بیٹیوں کو کنویں میں پھینک دیا خود کو بھی مارنے کوشش میں چھلانگ لگادی، امدادی رضاکاروں نے خاتون کو مرنے سے بچا لیا۔

راولپنڈی کے علاقے گجرخان میں ایک خاتون نے گھریلو جھگڑوں سے تنگ آکر اپنی3بیٹیوں کو کنویں میں پھینک کر خودکشی کی کوشش کی۔

اس حوالے سے ریسکیو ذرائع کا کہنا ہے کہ تینوں بچیاں کنویں میں ڈوب کر جاں بحق ہوگئیں تاہم مذکورہ خاتون کو مرنے سے بچالیا گیا ہے۔

ریسکیو ذرائع کے مطابق مرنے والی بچیوں میں سے دو بچیوں کی عمریں 6ماہ جبکہ ایک کی عمر6سال تھی، خاتون کو بے ہوشی کی حالت میں اسپتال منتقل کردیا گیا جہاں اس کی حالت تشویشناک بتائی جارہی ہے۔

ابتدائی تفتیش میں معلوم ہوا ہے کہ مذکورہ خاتون نے گھریلو جھگڑے کے بعد انتہائی قدم اٹھایا اور بچیوں سمیت خودکشی کی کوشش کی۔

Comments

یہ بھی پڑھیں