جکارتہ: انڈونیشیا کے شہر سولو میں پولیس اسٹیشن پر خودکش حملے کے نتیجے میں ایک پولیس اہلکار زخمی ہوگیا.
تفصیلات کے مطابق انڈونیشیا کےشہرسولومیں موٹر سائیکل سوار خودکش بمبار کا پولیس اسٹیشن پر حملہ،جس کے نتیجے میں ایک پولیس اہلکار زخمی ہوگیا.
پولیس اسٹیشن کے ترجمان رافلی عمار کے مطابق حملہ آور صبح ساڑھےسات بجے زبردستی پولیس اسٹیشن کے احاطے میں داخل ہوا،ان کامزید کہنا تھاکہ حملہ آور کو پولیس اسٹیشن میں داخل ہونے سے روکنے پر اس نے خود کو زور دار دھماکے سے اڑالیا۔
ابتدائی معلومات کے مطابق حملہ آور ہلاک ہوچکا ہے جبکہ ایک پولیس اہلکار کی زخمی ہونے کی اطلاعات موصول ہوئی ہیں۔
انڈونیشیا کے صدر جوكو ويدودو نے امید ظاہر کی ہے کہ شہری پرسکون رہیں گے.
انڈونیشین صدر نے پولیس چیف کو حکم دیا کہ وہ حملے میں ملوث ملزمان ک نیٹ ورک کا پتہ لگائیں اور اس حملے میں ملوث افراد کو منظر عام پر لے کر آئیں.
یاد رہے کہ رواں برس جنوری میں انڈونیشیا میں فائرنگ اور خود کش حملے کے نتیجے میں چار شہری اور چارحملہ آوروں کی ہلاکتیں ہوئی تھیں.
