عدن : المکلاپورٹ کے قریب خودکش حملے میں 25 پولیس اہلکار جاں بحق، رواں ہفتے داعش کی جانب سے کیا جانے والا یہ دوسرا حملہ ہے.
تفصیلات کےمطابق صوبائی عہدیدار کا کہنا تھا کہ پولیس کےٹریننگ سینٹر میں خودکش حملہ آور نے اپنے آپ کو دھماکے خیزمواد سے اُڑا دیا،جس میں 25 پولیس اہلکار جان کی بازی ہار گئے، گذشتہ ماہ حکومت کی جانب سے اس شہر کو القاعدہ کے قبضے سے چھڑایا گیا تھا، القاعدہ نے اس شہر پر ایک سال تک قبضہ کیا ہوا تھا.
اتوار کو ہونے والے اس خوفناک دھماکے میں 25 افراد جاں بحق جبکہ 64 افراد زخمی ہوگئے.
دہشت گرد تنظیم داعش کی جانب سے آن لائن ویب سائٹ پر اس خودکش دھماکے کی ذمہ داری قبول کر لی گئی، یہ علاقہ داعش کی حریف القاعدہ کا مضبوط گڑھ مانا جاتا ہے.
داعش نے ویب سائٹ پر لکھا ہے کہ بھائی ابو باڑہ انصاری نے سیکورٹی فورسسز کے اجتماع کے درمیان خود کو دھماکے خیز مواد سے اُڑایا.
یاد رہے اس سے قبل جمعرات کو المکلا شہر سے باہرعسکریت پسندوں کی جانب سے دھماکہ خیزمواد سے بھری گاڑی کو فوجی اڈے میں اُڑایا گیا،جس کے نتیجے میں 15 فوجی جاں بحق ہوئے تھے،داعش نے دھماکے کی ذمہ داری قبول کرلی تھی.