سانگی: تیز رفتار بس الٹ گئی، 5 مسافر جاں بحق -
The news is by your side.

Advertisement

سانگی: تیز رفتار بس الٹ گئی، 5 مسافر جاں بحق

سکھر: سکھر کے قریب سانگی کے مقام پر کراچی آنے والی بس تیز رفتاری کے باعث بے قابو ہو کر الٹ گئی۔ حادثے کے نتیجے میں 3 خواتین اور 1 بچی سمیت 5 افراد جاں بحق ہوگئے۔

تفصیلات کے مطابق سکھر کے قریب سانگی کے قریب پنجاب سے کراچی آنے والی تیز رفتار بس الٹ گئی۔ حادثے میں 3 خواتین اور 1 بچی سمیت 5 افراد لقمہ اجل بن گئے۔

بس الٹنے سے اس میں پھنسے مسافروں کو نکالنے میں کافی مشکلات کا سامنا کرنا پڑا۔ موقع پر موجود ریسکیو ذرائع نے کرین طلب کی جس کے بعد بس میں پھنسے زخمی مسافروں کو نکالا جا سکا۔

ریسکیو ذرائع کے مطابق حادثے میں زخمی ہونے والے 18 مسافروں کو قریبی اسپتالوں میں منتقل کردیا گیا ہے۔ پولییس نے حادثے کی تفتیش شروع کردی ہے۔

واضح رہے کہ رات کے اوقات میں سڑکیں خالی ہونے کی وجہ سے ڈرائیور نہایت تیز رفتاری سے بسیں چلاتے ہیں جو اکثر حادثات کا سبب بنتا ہے۔ چند روز قبل ڈیرہ غازی خان میں بھی پل قمبر کے قریب مسافر بس تیز رفتاری کے سبب الٹ گئی تھی جس کے نتیجے 7 افراد جاں بحق ہوگئے تھے۔

Comments

comments

یہ بھی پڑھیں