سکھر حیدرآباد موٹر وے نہ بننے پر اسپیکر سندھ اسمبلی اویس شاہ نے وزیراعظم شہباز شریف سے شکوہ کردیا۔
اسپیکر سندھ اسمبلی اویس قادر شاہ نے تقریب سے خطاب کرتے ہوئے کہا کہ سکھر حیدرآباد موٹروے کا وزیراعظم شہباز شریف نے تیسری مرتبہ افتتاح کیا لیکن کام ابھی تک شروع نہیں ہوا۔
انہوں نے کہا کہ سکھر میں سب کچھ ہے بس موٹروے نہیں ہے، شہباز شریف سے کہوں گا کہ جلدی موٹروے کا کام شروع کروایا جائے، بلاول بھٹو نے بھی بارہا وزیراعظم سے موٹروے کی تعمیر کا کہا ہے۔
اسپیکر سندھ اسمبلی نے کہا کہ سکھر حیدرآباد موٹروے پاکستان کی معیشت کے لیے ریڑھ کی ہڈی کا کام ادا کرے گا۔
یہ پڑھیں: حیدرآباد سکھر موٹروے کی تعمیر سے متعلق اچھی خبر
اویس شاہ نے کہا کہ سکھر میں یونیورسٹیز اور اسپتالوں کا نیٹ ورک ہے جس کا کریڈٹ خورشید شاہ کو جاتا ہے۔
واضح رہے کہ اس سے قبل این ایچ اے کے اجلاس میں سکھر حیدرآباد موٹر وے کےکام کا آغاز مئی میں کرنے کا فیصلہ کیا گیا، اجلاس میں حیدرآباد کراچی موٹر وے کی فیزیبلٹی پر بھی غور کیا گیا تھا۔
وفاقی وزیرمواصلات عبدالعلیم خان نےافسران کو فوری اقدامات کی ہدایت دیتے ہوئے کہا تھا کہ ساری نظریں سکھر حیدرآباد موٹر وے پر ہیں، حیدرآباد اور کراچی کی موٹرویز پبلک پرائیویٹ پارٹنر شپ کے تحت مکمل کریں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں