The news is by your side.

Advertisement

سکھر جلسہ : وزیر اعظم کے دو گھنٹوں کیلئے دو کروڑ روپے کے اخراجات

سکھر : وزیراعظم نواز شریف کی دو گھنٹے کیلئے سکھر آمد سے قومی خزانے کو دو کروڑ روپے کا جھٹکا لگا۔

تفصیلات کے مطابق وزیراعظم نواز شریف سکھرمیں سکھر ملتان موٹر وے کا افتتاح کرنے تو صرف دو گھنٹے کیلئے آئے  لیکن مہمان نواز ی پر دوکروڑ خرچ ہوگئے۔

رپورٹس کے مطابق شدید گرمی کے موسم میں ایئرکنڈیشنر لگا کر وزیراعظم کا خیمہ ٹھنڈا رکھنے کیلئے دس ہیوی ایئرکنڈیشنڈ پلانٹ لگائے گئے تھے۔

اس کام کیلئے دس جنریٹر لگائے گئے جس پر اندازاً پچاس لاکھ روپے کا خرچہ آیا، ڈھائی سو سے تین سو مزدور دن رات کام کرتے رہے۔

دوہزار افراد کیلئے لگائے گئے شاہی پنڈال پر لاگت کا تخمینہ پچہتر لاکھ روپے لگایا گیاہے، سیپکو کا دو سو واٹ کا ٹرانسفارمر اور پاور سپلائی کیلئے چار پول لگائے گئے۔

بجلی کی مد میں پندرہ لاکھ روپے خرچ کئے گئے۔ ظہرانے پر پچیس لاکھ روپے جبکہ اسٹیج پر بڑی اسکرینز پر لگائے گئے قمقموں اور دیگر اخراجات کی مد میں بیس لاکھ روپے خرچہ آیا۔

اس طرح وزیر اعظم نواز شریف کی دو گھنٹے کی مہمان نوازی دو کروڑ روپے میں پڑی۔

 

Comments

comments

یہ بھی پڑھیں