The news is by your side.

Advertisement

سکھر : پیکا آرڈیننس کے خلاف دائر پٹیشن قابل سماعت قرار

سکھر : سندھ ہائی کورٹ سکھر بینچ نے پٹیشن کو قابل سماعت قرار دے کر نوٹسز جاری کر دیئے، عدالت نے27اپریل کو سماعت مقرر کردی۔

اے آر وائی نیوز کے مطابق سکھر یونین آف جرنلسٹس کی دائر پٹیشن پر عدالت میں سماعت ہوئی جس میں ایس یو جے کے بیرسٹر خان عبدالغفار خان عدالت میں پیش ہوئے۔

جسٹس محمد جنید غفار اور جسٹس ذوالفقار علی سانگی پر مشتمل ڈبل بینچ نے سماعت کی، درخواست گزار کے وکیل نے مؤقف اختیار کیا کہ پیکا آرڈیننس بنیادی انسانی حقوق اور اظہار کی آزادی کے خلاف ہے۔

اس موقع پر بیرسٹر خان عبدالغفار خان نے کہا کہ عدالت ہمیں سننے کا موقع فراہم کرے جبکہ عدالت نے صحافیوں کے وکیل بیرسٹر خان عبدالغفار خان کے دلائل سننے کے بعد پٹیشن کو قابل سماعت قرار دے کر نوٹسز جاری کردیئے۔

عدالت نے27اپریل پر سماعت مقرر کرتے ہوئے فریقین کو نوٹس جاری کرنے کا حکم دیا ہے، دائر پٹیشن میں صدر پاکستان، وزارت قانون، وزارت انفارمیشن ، ایف آئی اے اور دیگر کو فریق بنایا گیا ہے۔

واضح رہے کہ ہائی کورٹ اسلام آباد ہائی کورٹ بلوچستان کے بعد پیکا آرڈیننس کے خلاف سکھر میں کیس چلایا جائے گا۔

Comments

یہ بھی پڑھیں