ممبئی: فلم سلطان نے باکس آفس پر سکہ جما دیا -
The news is by your side.

Advertisement

ممبئی: فلم سلطان نے باکس آفس پر سکہ جما دیا

ممبئی : بالی ووڈ سپر اسٹار سلمان خان نے ثابت کردیا کہ فلم اندسٹری کے حقیقی سلطان کروڑوں دلوں کی جان سلمان خان ہیں.

تفصیلات کے مطابق بالی ووڈ سپر اسٹار سلمان نے اپنی فلم ’سلطان‘ کے ساتھ ایک بار پھر یہ ثابت کر دیا کہ چاہے وہ ’دبنگ‘ بن کر آئیں یا ’ٹائیگر‘ یا پھر ’سلطان‘ باکس آفس پر انہی کی حکمرانی رہے گی.

سلمان خان کی عید پر ریلیز ہونی والی فلم ’سلطان نے صرف چھ دنوں میں 196کروڑ بزنس کر لیا ہے اور اب بھی اس کی کمائی جاری ہے.

بالی ووڈ اندسٹری کے فلمی ناقد جے پرکاش چوکسے کہتے ہیں ’آپ کچھ بھی کہہ لیں،لوگ سلمان خان کو دیکھنے آتے ہیں،وہ اس وقت بالی وڈ کے ٹاپ سٹار ہیں.

بالی ووڈ کے خان کڑوروں دلوں کی جان سلمان خان کی فلموں کے بارے میں کہا جاتا ہے کہ فلم چاہے جیسی ہو لوگ صرف سلمان کو دیکھنے آتے ہیں،اسکرین پر سلمان کے آتے ہی سنیما ہال تالیوں اور سیٹیوں سے گونجنے لگتا ہے.

یاد رہے سلمان خان کی گذشتہ فلم ’بجرنگی بھائی جان‘ نے چار دن میں تقریبا 130 کروڑ کی کمائی کی تھی لیکن اس بار وہ سلطان کے ساتھ اپنےگذشتہ ریکارڈ سے بہت آگے نکل گئے ہیں.

فلم ’سلطان‘ ایک پہلوان کی زندگی پر بنی فلم ہے جو اکھاڑے کی کشتی سے نکل کر پروفیشنل کشتی میں اپنی جگہ بناتا ہے.

Comments

comments

یہ بھی پڑھیں