site
stats
پاکستان

خاتون لیگی کارکن کی ہلاکت، رکنِ قومی اسمبلی شاملِ تفتیش

لاہور: پولیس نے مسلم لیگ (ن) سے تعلق رکھنے والی خاتون کارکن سمیعہ چوھدری کی پُراسرار ہلاکت کے کیس میں پیش رفت کے بعد رکنِ قومی اسمبلی چوہدری اشرف کو شاملِ تفتیش کرنے کا فیصلہ کر لیا ہے۔

تفصیلات کے مطابق لاہور پولیس نے مسلم لیگ (ن) کی خاتون کارکن سمیعہ چوہدری کی پُراسرار موت کی تحقیقات کے سلسلے میں چمبہ ہاؤس کے 60 ملازمین سمیت رکنِ قومی اسمبلی چوہدری اشرف کو بھی شاملِ تفتیش کرنے کا فیصلہ کر لیا ہے۔


اسی سے متعلق : رکن قومی اسمبلی کے کمرے سے لیگی خاتون کارکن کی لاش برآمد


چمبہ ہاؤس کے ملازمین کے مطابق سمیعہ چوہدری اکثر چوہدری اشرف کی معرفت کمرہ بک کروایا کرتی تھیں اور اس بار بھی انہی کی معرفت قیام کرنے آئی تھیں اور موت سے قبل رات کو تین افراد کے لیے کھانا بھی منگوایا تھا۔

ایس پی سول لائنز کی موجودگی میں قلم بند کیے گئے چمبہ ہاؤس کے ملازمین کے بیانات کے بعد لاہور پولیس نے ایم این اے چوھدری اشرف کو بھی شامل تفتیش کرنے کا فیصلہ کر لیا ہے تا ہم پولیس کو کسی حتمی نتیجے پر پہنچنے کے لیے اب بھی فرانزک رپورٹ کا انتظار ہے۔

واضح رہے گزشتہ روز پارلیمنٹ لاؤجز کے چمبہ ہاؤس میں واقع ایک کمرے سے لیگی خاتون کارکن کی لاش ملی تھی جس کا معمہ ابھی تک حل طلب ہے، یہ کمرہ لیگی رکنِ قومی اسمبلی چوہدری اشرف کے نام پر بُک کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top