The news is by your side.

Advertisement

عید کے موقع پر قیدیوں کی سزا میں 30 دن کی معافی کی سمری وفاقی کابینہ کو ارسال

اسلام آباد : وزارت داخلہ نے عید کے موقع پر قیدیوں کی سزا میں 30 دن کی معافی کی سمری وفاقی کابینہ کو بھجوادی، جس کے تحت معمولی جرائم کے قیدی رعایت کے مستحق ہوں گے۔

تفصیلات کے مطابق عید کے موقع پر قیدیوں کی سزا میں 30 دن کی معافی کی سمری وفاقی کابینہ کو ارسال کردی گئیں ، سمری وزارت داخلہ کی جانب سے بھجوائی گئی ہے۔

وزیر اعظم منظوری کے لیے سمری صدر کو بھجوائیں گے ، حکام کا کہنا ہے کہ دہشت گرد اور قتل سمیت سنگین مقدمات کے قیدیوں کورعایت نہیں ملےگی جبکہ 65سال سےزائدعمر کے معمولی جرائم میں مرد قیدی رعایت کے مستحق ہوں گے۔

وزارت داخلہ نے کہا ہے کہ معمولی جرائم میں قید 60سال کی خواتین رعایت کی حق دارہوں گی ، تاہم کرپشن کیسز میں سزا یافتہ قیدیوں کو بھی رعایت نہیں ملے گی۔

Comments

یہ بھی پڑھیں