تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کہیں آپ کا بچہ بھی کرونا پھیلانے کا باعث تو نہیں بن رہا؟ تحقیق نے ہوش اڑا دئیے

واشنگٹن : امریکی ماہرین نے خدشہ ظاہر کیا ہے کہ سمر کیمپ و دیگر سرگرمیوں میں حصّہ لینے والے بچے اپنے گھر میں کرونا کی منتقلی کا باعث بن سکتے ہیں۔

امریکی محققین کی جانب سے بچوں کے ذریعے گھر میں وائرس کی منتقلی کا خدشہ طبی جریدے نیو انگلینڈ جرنل آف میڈیسین میں شائع تحقیق میں ظاہر کیا گیا ہے۔

محققین کا کہنا ہے کہ گزشتہ سال موسم گرما میں امریکی ریاست جارجیا میں ایک سلیپ اوے کیمپ میں شرکت کرنے والے بچوں سے ان کے گھروں میں کورونا کے پھیلاؤ کی جانچ پڑتال کی گئی۔

جانچ سے پتہ چلا کہ کیمپ میں شرکت کرنے والے بچوں نے وائرس کو اپنے گھر کے دیگر افراد تک منتقل کردیا ہے۔

رپورٹ کے مطابق کیمپ میں شرکت کرنے والے بچوں میں سے 7 سے 19 سال کی عمر کے 224 بچوں میں لیبارٹری ٹیسٹنگ میں کوویڈ کی تشخیص ہوئی تھی۔

تحقیق میں بتایا گیا ہے کہ کرونا سے متاثرہ بچوں نے 526 افراد سے رابطہ کیا جس میں زیادہ تر والدین اور بہن بھائی شامل تھے جن میں سے بیشتر کا کوویڈ ٹیسٹ مثبت آیا۔

محققین نے کہا ہے کہ اسکول جانے کی عمر کے بچوں سے کرونا گھر کے افراد میں باآسانی منتقل ہوسکتا ہے۔

تحقیق میں 17 جولائی سے 24 اگست 2020 تک اس کیمپ میں ریک ہونے والے افراد کی تفصیلات حاصل کی گئی تھیں اور نتائج میں ان گھر والوں کو شامل نہیں کیا گیا تھا جن میں کووڈ کی تشخیص بچوں کے کیمپ سے واپس لوٹنے کے 2 دن بعد ہوئی تھی۔

تحقیق کے مطابق ایک تہائی بچوں میں علامات کیمپ میں ہی ظاہر ہوگئی تھیں جبکہ دو تہائی بچوں نے گھر میں سماجی دوری کو اختیار کیا، جس سے وہاں ممکنہ طور پر کووڈ کے پھیلاؤ کی شرح کم ہوگئی۔

محققین نے کہا کہ بچوں سے وائرس کے پھیلاؤ کے خطرے کو سماجی دوری اور فیس ماسک کے استعمال سے کم کیا جاسکتا ہے۔

Comments

- Advertisement -