اسلام آباد: وفاقی سرکاری تعلیمی اداروں میں 6 جون سے گرمیوں کی چھٹیوں کا اعلان کردیا گیا، نیا سیشن یکم اگست سے شروع ہو گا۔
تفصیلات کے مطابق وفاقی سرکاری تعلیمی اداروں میں گرمیوں کی چھٹیوں کا اعلان کردیا گیا اور اس حوالے سے نوٹیفکیشن بھی جاری ہوگیا۔
نوٹیفکیشن میں کہا گیا کہ گرمیوں کی چھٹیاں 6جون سے 31جولائی تک ہوں گی اور تعلیمی اداروں کا نیا سیشن بھی یکم اگست سے شروع ہو گا۔
یاد رہے پنجاب کے تمام اسکولوں میں گرمیوں کی چھٹیوں کا اعلان کیا گیا تھا ، جس کے مطابق پنجاب بھر میں اسکول یکم جون تا 31 جولائی تک بند رہیں گے۔
دوسری جانب محکمہ تعلیم سندھ نے صوبے بھر میں موسم گرما کی تعطیلات کا اعلان کیا تھا ، جس کے تحت سندھ میں تمام اسکولز یکم جون دو ہزار بائیس سے اکتیس جولائی بائیس تک بند رہیں گے۔
اس سے قبل وفاق کے سرکاری و نجی تعلیمی اداروں میں گرمی کی شدت کے پیش نظر پرائمری کلاسز بند کردی گئیں تھی اور کہا تھا کہ صوبے بھی پرائمری کلاسز بند کریں۔
