The news is by your side.

Advertisement

پنجاب میں موسمِ گرما کی تعطیلات 24 مئی سے 14 اگست تک ہوں گی

لاہور: پنجاب کے وزیرِ تعلیم رانا مشہود نے پریس کانفرنس کرتےہوئے صوبہ بھر میں موسم گرما کی تعطیلات 24 مئی سے 14 اگست تک کرنے کا اعلان کردیا۔

تفصیلات کے مطابق وزیر تعلیم رانا مشہود نے موسمِ گرما کی تعطیلات کا اعلان کرتے ہوئے بتایا کہ گرمی کی شدت اور ہیٹ اسٹروک کے خدشے کے پیشِ نظر فیصلہ کیا گیا ہے کہ رواں سال موسمِ گرما کی تعطیلات 24 مئی سے 14 اگست تک کی جائیں گی۔

اس سے قبل موسم گرما کی تعطیلات کا آغاز یکم جون سے ہوتا تھا،تاہم اس سال گرمی اپنے عروج پہ ہے،اور ہیٹ اسٹروک کے ممکنہ نقصانات سے بچنے کے لیے سندھ حکومت کی طرح پنجاب حکومت نے بھی موسم ِ گرما کی تعطیلات کے آغاز کا اعلان کیا ہے۔

میڈیا سے بات کرتے ہوئے رانا مشہود نے واضع کیا کہ تعطیلات کے لیے کل کا دن اس لیے دیا گیا ہے تاکہ اسکول انتظامیہ طلباء و طالبات کو تعطیلات کا ’’ہوم ورک‘‘ دیں سکیں،اور اساتذہ کو سالانہ سلیبس کی تکمیل میں کوئی دشواری نہ رہے۔

اس موقع پر انہوں نے بتایا کہ تعطیلات کا فیصلہ پرائیوٹ اسکولز کی انجمنوں کی مشاورت کے بعد کیا گیا ہے،اس لیے سرکاری اسکولوں کے ساتھ ساتھ پرائیوٹ اسکولز بھی 24 مئی سے 14 اگست تک بند رہیں گے،تاہم جن اسکولوں میں امتحانات جاری ہیں وہ اس فیصلے سے مستثنیٰ ہوں گے۔

ایک سوال کے جواب میں وزیرِ تعلیم رانا مشہود کا کہنا تھا کہ تعلیمی سال سے متعلق کمیٹی بنادی ہے،جو اپنی رپورٹ مرتب کر کے وزارتِ تعلیم کو دے گی،جسے منظوری کے بعد فوری طور پر نافذ کردیا جائے گا۔

Comments

comments

یہ بھی پڑھیں