The news is by your side.

Advertisement

‘جان بوجھ کرووٹ کا غلط استعمال کرنے والا قوم کا غدار اور خائن ہے’

فیصل آباد: سنی اتحاد کونسل کا کہنا ہے کہ جو شخص جان بوجھ کرووٹ کا غلط استعمال کرے وہ قوم کا غدار اور خائن ہے۔

تفصیلات کے مطابق سنی اتحاد کونسل نے ووٹوں کی خریدوفروخت کےخلاف شرعی اعلامیہ جاری کیا ہے، جس کے مطابق ووٹوں کی خرید و فروخت،پارٹی پالیسی کی خلاف ورزی اور بد دیانتی ہے

اعلامیہ میں کہا گیا ہے کہ عوام اور ارکان پارلیمنٹ کا ووٹ کی خریدوفروخت کرناغلط ہے، ووٹ ایک امانت ہے اور اس کا درست استعمال دینی فریضہ ہے،ووٹ پر کوئی معاوضہ لیناحرام ہے۔

سنی اتحاد کونسل کی جانب سے جاری اعلامیہ میں کہا گیا کہ ووٹ کا مقصد باکردار اور ملک کے خیر خواہوں کو منتخب کرنا ہے، جو شخص جان بوجھ کرووٹ کا غلط استعمال کرے وہ قوم کا غدار اور خائن ہے۔

اعلامیہ میں مزید کہا گیا کہ ارکان پارلیمنٹ جس ٹکٹ پر منتخب ہوں اسی پارٹی کی پالیسی پرعمل پیراہوں اگر سیاستدان دوسری پارٹیوں سے اتفاق رائے کرلیتا ہے تو پہلے اسمبلی سے استعفیٰ دیں۔

Comments

یہ بھی پڑھیں