اسلام آباد : پاکستان میں ذوالحج 1447 ہجری کے چاند اور عیدالاضحیٰ کے حوالے سپارکو کی پیش گوئی بھی سامنے آگئی۔
تفصیلات کے مطابق سپارکو نے ذوالحج 1447 ہجری کے چاند اور عید الاضحیٰ سے متعلق پیشگوئی جاری کردی ، جس میں بتایا کہ فلکیاتی حسابات کے تحت نیا چاند 17 مئی 2026 کو رات 1 بج کر 1 منٹ پر پیدا ہوگا جبکہ اسی شام چاند کی عمر تقریباً 18 گھنٹے 30 منٹ ہوگی۔
ترجمان کا کہنا تھا کہ پاکستان کے ساحلی علاقوں میں غروبِ آفتاب اور غروبِ ماہتاب کے درمیان تقریباً 60 منٹ کا وقفہ متوقع ہے، جس کے باعث صاف موسم اور بہتر حدِ نگاہ کی صورت میں چاند نظر آنے کے قوی امکانات ہیں۔
سپارکو نے کہا ان فلکیاتی تخمینوں کی بنیاد پر یکم ذوالحج 18 مئی 2026 بروز پیر کو ہونے کا امکان ہے جبکہ عیدالاضحیٰ 27 مئی 2026 کو منائی جا سکتی ہے۔
ادارے نے واضح کیا کہ یہ تمام اندازے سائنسی اور فلکیاتی ڈیٹا کی بنیاد پر لگائے گئے ہیں۔
سپارکو کا کہنا ہے کہ ذوالحج کے چاند کی رویت سے متعلق حتمی اعلان رویت ہلال کمیٹی کی جانب سے ملک بھر سے موصول ہونے والی شہادتوں کا جائزہ لینے کے بعد کیا جائے گا
علی حسن اے آروائی نیوز سے اسپورٹس رپورٹر کی حیثیت سے وابستہ ہیں اور کھیلوں کے معاملات میں گہری دلچسپی رکھتے ہیں