اسلام آباد : پاکستان اور دنیا کے کئی ممالک میں آج سپر مون کا نظارہ کیا جاسکے گا۔
تفصیلات کے مطابق پاکستان سمیت دنیا بھر میں سپر مون دیکھا جا سکے گا، امریکی میڈیا کا کہنا ہے کہ آج چاند زمین سے قریب آجائے گا اور زمین سے چاند کا فاصلہ 222,135 کلومیٹر ہوگا، جس کے بعد چاند کی روشنی معمول سے سولہ فیصد زیادہ ہوگی جب کہ اس کا سائز بھی سات فیصد بڑا دیکھا جا سکے گا۔
خیال رہے کہ یہ سپر مون سال 2017 کا پہلا اور آخری سپر مون ہے جبکہ آئندہ برس جنوری اور فروری میں دو سپر مون دیکھے جاسکیں گے۔
یاد رہے کہ گذشتہ سال نومبر میں ہونے والا سپرمون نہ صرف 2016 کا سب سے بڑا چاند تھا بلکہ 21 ویں صدی میں ہونے والا اب تک کا سب سے بڑا سپر مون تھا۔
مزید پڑھیں : پاکستان میں 70 سال بعد سپر مون کا نظارہ
یہ پہلا موقع تھا کہ1948 کے بعد پہلی بار چاند زمین سے اس کم فاصلے پر آیا تھا۔
ناسا کے مطابق چاند جب زمین کے انتہائی قریب آ جائے تو اسے سپرمون کہا جاتا ہے۔