آئندہ بجٹ میں دولت مندوں پر ٹیکس میں اضافے کا امکان -
The news is by your side.

Advertisement

آئندہ بجٹ میں دولت مندوں پر ٹیکس میں اضافے کا امکان

اسلام آباد: بڑی کمپنیوں اور دولت مند افراد پر لگا سپر ٹیکس آئندہ مالی سال بھی جاری رکھا جائے گا۔ حکومت ٹیکس کی شرح میں اضافے پر بھی غور کر رہی ہے۔

ذرائع کے مطابق مالی سال 18-2017 کے بجٹ میں ٹیکس دائرہ کار اور وصولیوں میں اضافے کے لیے حکومت بڑی کمپنیوں اور دولت مندوں پر لگے اس ٹیکس کی شرح میں اضافے کا ارادہ رکھتی ہے۔

سپر ٹیکس سالانہ 10 کروڑ روپے کمانے والے افراد جبکہ 20 کروڑ روپے کمانے والی کمپنیوں پر لگتا ہے۔

مزید پڑھیں: آئندہ بجٹ میں سرکاری ملازمین کی تنخواہوں میں اضافہ متوقع

سپر ٹیکس سے حاصل ہونے والی آمدن آئی ڈی پیز کی بحالی اور دہشت گردی کے خلاف جنگ کے لیے استعمال کی جائے گی۔

اعداد و شمار کے مطابق رواں مالی سال کے پہلے 8 ماہ میں حکومت کو سپر ٹیکس کی مد میں 20 ارب روپے حاصل ہوئے۔

یاد رہے کہ رواں برس بجٹ میں سرکاری ملازمین کے لیے تنخواہوں میں 10 فیصد تک اضافے کا بھی امکان ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں